Oliver Scotoni

Podcast Episode mit Oliver Scotoni.
Gründer vo Rhythmus einer Stadt, rundfunk.fm und herewegrow.global.

Mich interessiert dä Prozess vom visioniere und umsetzä.
Dä Oliver Scotoni isch vor villne Jahr, fasch zwei Jahrzehnt isches her, dä erscht Mänsch gsi, wo mit mir über das Thema gredt hät - und so het sich mir e Welt ufta. Dasses das git und möglich isch, eigni Ideeä und Projekt id Welt z bringä, het mich beflüglet und motiviert. Und wahnsinnig beidruckt.

Ich ha für eusi Podcast Session, ursprünglich am 29. August 23 im Hof vom Landesmuseum, Frage vorbereitet wo ich mit ihm zäme ha welle erforsche.

Gester am 11.10.23 hämmer eus nach mehrmaligem verschiebe tatsächlich uf miner Terrasse im Niederdorf troffe.

Und natürlich han ich ihm e Sullana abotä, schliesslich schiined Klimaschutz und Regionalität wichtigi Wert z sii und dänn gits als Zigifan nur ei Option: schwiizer Tabak, logisch gäll ;-)
Weisch, smoke your talk!

• stiiged Ideeä i dir uf?

• oder sinds grieffbar ide Luft?

• oder treffeds dich wie en Blitz?

• oder grabsch dena?

• was sind dänn dini erstä Schritt zur Umsetzig?

• chasch du festmache, wie und wänn d Idee zum rundfunk.fm zu dir cho isch?

• was isch bi dir dihei als Chind für Musig glost worde?

• was isch dini Message i däm Läbe?

• gits eini, wo scho immer klar gsi isch?

• oder veränderets sich?

• oder wirds immer kerniger und klarer?

• din innere Kompass, wie poliersch dä?

• bisch du miteme wiite Horizont gebore oder wie häsch dir dä erworbä?

mich fasziniered mänsche, wo ihres eigne ding rocked.
däm thema hani mini 3. podcast staffle gwidmet.

mitem mikrofon ufnä, was hüt jetzt grad isch.
im moment.
immer jetzt.
ungschnitte und so vorbereitet, wiemer grad sind, a dem hütige träffe.
d episode wird so, wie du bisch.
de inhalt isch das was du drus machsch.
dankä fürs dich zeigä.